Tuesday 26 February 2013

ফাগুনৰ স্নেপশ্বট ( অনুভৱৰ স্বৰ)




(১)

ফাগুনৰ পছোৱা বতাহজাক !!

সঁচাকৈয়ে ফাগুনৰ পছোৱা বতাহজাকে গুপুতে গুপুতে ছটিয়াই যায় মৰম ভালপোৱাৰ ৰংবোৰ... 
 বুজিও নুবুজা এক অবুজ অনুভৱৰ গুঞ্জন..... 

 (২)

পলাশৰ ৰঙা ৰঙা ফুল !!   

পলাশ, শিমলুৰ বুকুত এক মধুৰ আচ্ছাদন..,  
   ধূলিয়ৰী পদূলিত কিচিৰ- মিচিৰ কৰি সাৰ পাই উঠা এচেৰঙা ৰ’দত

             যেন মিচিকিয়াইছে যৌৱনৰ ভৰুণ আৱৰণ.... 
                   
          (৩)

        চঞ্চল বাউলী বতাহজাক!!

ফাগুনৰ আঁচলৰ গুণ-গুণনি শব্দত যেন ৰঙীন হৈ পৰিছে চৌপাশ,
 বাউল হৈ উঠিছে হৃদয়ৰ বাধাহীন সমস্ত দুৱাৰ.... 
  
 (৪)

বিষাদভৰা ফাগুন!!
     আত্মপ্ৰত্যয় নিংসগতাৰে ভৰা....
   
  উজাই অহা আৱেগৰ পদূলিত
  সৰি পৰিব খোজা দুটোপাল সিক্ত অশ্ৰু....
     
  (৫)

       দুষ্ট ফাগুন!!

        
      সন্ধিয়াৰ আকাশত
        ঘৰমুখী চৰাইজাকেও অবাক চাই ৰ’ল দুয়োৰে মাজৰ মৌনতাৰ ভাষাবোৰ......


          ফাগুন যে এনেকুৱাই মিঠা মিঠা চাৱনিৰে হিয়া মন জুৰায়।

                     

No comments:

Post a Comment