কবিতা

:হৃদয়:

(১)

এনেকৈয়ে এদিন....

মোৰ দুচকুৱে তোমাক দেখা পাইছিল প্ৰথমবাৰৰ বাবে

হঠাৎ

এজাক বৰষুণ

হৃদয়ৰ এটি কোঠালীৰ পৰা

কেৱল তোমাৰ বাবে......

(২)

এই বাটটিৰে তুমি যেতিয়া অহা

মোৰ হৃদয়ত এজাক বৰষুণ নামে

হয়...

এইজাকেই যে প্ৰথমজাক বৰষুণ হৃদয়ৰ

তিতিছিল আৱৰণ খুলি 

কেৱল তোমাৰ বাবেই.....

(৩)

আজি আকৌ এজাক বৰষুণ

বিষাদভৰা হৃদয়ৰ

ভাগৰুৱা দুচকুৱে কান্দো বুলিও

কান্দিব পৰা নাই

কিয় জানো...

অশ্ৰুও যে আজি নিৰ্বাক দুচকুতে 

কেৱল তোমাৰ বাবেই

( জনসাধাৰণ কাকতৰ দেওবৰীয়া ইত্যাদিত প্ৰকাশিত, ৭ অক্টোবৰ ২০১২)