:ফাগুন:
এজাক বতাহ বলিছে
অতিকৈ চিনাকি
অনুভৱ কৰোঁ হৃদয়ৰ
গভীৰ আচ্ছাদনত
প্ৰতিবাৰৰ দৰেই,
তোমাৰ স্পৰ্শত বাস্তৱহীন সপোন এটাই
দোলা দি যায়
কিয় বাৰু.. ?
যদিওবা
অনুভৱৰ কেনভাছ এখনত আঁকিব খোজো তোমাক
ৰৈ যাওঁ...
নিথৰ কৰ্কশ হৈ পৰা ৰংবোৰৰ মাজত
তথাপি,
তুমি মোৰ প্ৰিয়
জানানে.. ?
মইয়ো যে তোমাৰ দৰেই
বিষাদ ভালপোৱা এখনি ছবি।
(আমি অসমীয়া ই- আলোচনীত প্ৰকাশিত)
(আমি অসমীয়া ই- আলোচনীত প্ৰকাশিত)
No comments:
Post a Comment